பிரியாத வரம் வேண்டும்!

என் வாழ்க்கை பாதையில்
எத்தனையோ அறிமுகங்கள்...
அத்தனை அறிமுகங்களும்
உன்னைப் போல்
என் ஆன்மாவைத் தொட்டதில்லை!

நமது மூன்றாண்டு கால
நட்பை எண்ணிப் பார்க்கிறேன்...
அந்த இனிய நாட்கள் யாவும்
காலத்தால் அழியா காவியங்கள்!

காலங்கள் மாறலாம்;
கனவுகள் கூடலாம்;
ஒவ்வொரு கனவிலும்
நிஜங்களின் நிழல்கள்!

இரவின் மடியில்
நட்சத்திரங்கள் கொள்ளும் அன்பு
நிஜம் என்றாலும்,
வெகுதூரம் என்பதுதான் உண்மை!
அதுபோல் நம் நட்பும்
வெகுதூரம் ஆகிவிடும் என்றாலும்
பிரியாத வரம் கேட்போம்!