மௌனங்கள்

மௌனங்கள் சில வேளையில்
மனதோடு மட்டும் பேசும்...
என்னோடு நீ இல்லாத போது.!

கலைந்த கனவு

இமைகளைத் திறந்தால்
கனவு கலைந்து விடும் என்று
தூக்கத்திலே நடக்கிறேன் நான்...
நிஜ வாழ்க்கையில்
நீ இல்லை என்று
அறிந்தப் பின்னும்...

புல்லாங்குழல்

ஒரு மூங்கில் காட்டையே அழித்து
புல்லாங்குழல் செய்தேன்...
ஊதிய போதுதான் தெரிந்தது
அது ஊமை என்று...
என் Msg களுக்கு Reply செய்யாத
உன்னைப் போல்..!

வானம்

சிறகுகள் இன்றி
பறக்கிறேன்
வானமாய் நீ இருப்பதால்..!

நம்பிக்கை

முடிவில்லா ஒரு
நீண்ட பாதையில் பயணிக்கிறேன்
முடிவில் நீ இருப்பாய் என..!

உன் நினைவு

எனை தாண்டி சென்ற தென்றலும்
உன் நினைவுகளைதான் கொண்டு வருகிறது!

கவிதைகளே...

இதுவரை என் டைரியில்
சிறைபட்டிருந்த உங்களுக்கெல்லாம்
இன்று முதல் விடுதலை...
காகித கப்பல்களாக!


*******************************


அன்புள்ள கவிதைக்கு...

உன்னை எழுதிய பின்
நான் கண் அயர்ந்தாலும்
இரவெல்லாம் விழித்திருந்து
உயிர் பெற்றுக் கொள்கிறாய் நீ..!